最近大熱的電熱盤，細糖都有一部係朋友幫我排隊買仲送埋俾我，聖誕拎返來澳洲玩。在網絡群組上看到大家都很有創意，有很多不同的新菜式討論。而最近其中一個大熱就係紫薯煎堆仔。哈哈，細糖一向鍾意芋頭多於蕃薯，剛好屋企又有芋頭，忽發其想玩埋一份整芋蓉煎堆仔。
細糖一向鍾意的煎堆皮薄不是實心的，吃上去軟糯煙韌，多吃一兩小粒都不會很「滯」，所以用返部分令傳統煎堆漲卜卜的小技巧。
因為我細糖同豆先生兩個人吃，吃不了那麼多，所以以下份量是8小粒份量
食譜 (迷你版8粒)
芋蓉材料（約200克份量，以下食譜只需當中的80克便可）
芋頭 150克
原糖／砂糖 25克 （已是少甜份量，配原味煎堆剛好，可自行加減）
油 25克
煎堆材料
糯米粉 50克
原糖／砂糖 15克
水 35毫升
油 1茶匙
泡打粉 1克或1/4茶匙
芝麻 約2湯匙
芋蓉做法
1. 芋頭去皮切粒，中火隔水蒸20分鐘，用叉或筷子篤一下，容易穿過便可。
2. 當芋頭還熱時，用叉或壓蓉器將芋頭壓成蓉狀，熱的時候比較容易完成。
3. 預備一個小鍋，放入芋蓉，加入糖及油，用中小火邊煮邊用刮刀／匙將糖油及芋蓉拌好。糖可分兩至三次加，根據自己喜好調整甜味。糖完全溶掉拌勻便可關火。
4. 芋蓉放回小盤中，放涼備用，有時間放涼後可用保鮮紙蓋著雪一下，讓下一步整芋粒容易一點。
5. 放涼後，可使用當中的80克，分成8份每粒約10克的芋蓉，搓圓備用。其餘的可放在雪櫃留作其他用途。（下圖是整了11粒）
1. 首先將芝麻浸水2-3分鐘，用篩隔水備用。此部驟可使芝麻無咁易燶。
2. 將糖，糯米粉，泡打粉放入盤中拌勻。
2. 加入油用手把粉類及油搓勻，粉類會慢慢變成塊狀。
4. 麵糰分成8分（每粒大約10-12克），可先量一下麵糰總重量再決定。分好的麵糰搓成圓粒。
5. 將麵糰壓扁，中間放入芋頭蓉粒，收口再搓圓成湯圓狀。
6. 預備一隻小碟放一些水，也預備剛才浸過水瀝乾的芝麻，先把煎堆放到有水的小碟上微微沾一些水，再沾上芝麻。
7. 將油塗在章魚燒電熱板上，每格放約5毫子大的油份。將電熱盤開中小火預熱1分鐘。之後放入小麵糰繼續以小火熱度。其間要輪著把煎堆用木筷子或章魚燒棒轉動，記著不要弄穿麵團。
8. 要令麵糰漲得大及皮薄有一個小技巧，就是像傳統油炸般間中按壓一下。我們可以一隻小匙，間中輕輕按壓一下，記著不要太大力把煎埋弄破。初時可能見到煎堆沒有漲起，但當煎堆夠熱糯米糰夠熟佢便會再發漲。
9. 當煎堆夠熱糯米糰夠熟，煎堆便發得太，填滿整個小丸子格，有些還漲我比原來的小丸子模大。
10. 當煎堆變成金黃色時便可放到碟上，放涼5-10分鐘才吃會脆一點由不會那麼熱氣。用以上這個方法，煎堆放了一整天都沒有塌呢，也做到空心效果。:)
小貼士
- 我在澳洲用的是急凍芋頭，如果買新鮮芋頭，越輕身越靚（不是指越細越好）
- 有些人切芋頭皮膚會痕癢，可使用手套或毛巾隔開。
- 如果用一般油鍋炸，油滾後中火炸至金黃色便可，其間要不斷按壓讓煎堆發大。
