豬柳漢堡扒 Pork Sausage Patties

 

話說澳洲麥記嘅「豬柳蛋漢堡」(Sausage & Egg muffin)嗰塊漢堡扒，其實係牛柳漢堡扒嚟嘅…. 呢度亦無現成豬柳賣，所以我間中都試吓自己整豬柳，不過都未係好似…. 最終，今次用咗個懶人方法，反而比較接近

😂講明先，呢個方法只係「叫做頂住吓」嘅方法，未係十分滿意但算方便

豬柳漢堡扒 Pork Sausage Patties (約6塊)

材料

• Sausage meat 腸仔肉碎 500克
• Grounded sage 乾鼠尾草碎 半茶匙
• Onion powder 洋蔥粉 1茶匙
• Garlic powder 香蒜粉 1茶匙
• Grounded pepper 胡椒碎 1茶匙
  (建議用3色胡椒碎，如沒有則用黑胡椒也可)
• Sugar 糖 半茶匙

做法

1. 拆開Sausage Meat包裝，用廚師機／手／筷子將肉攪鬆。
   
   
   
   
   
2. 加入所有調味料，攪拌至均勻。
3. 一包大約可做6塊漢堡扒，可先分成6份圓球狀，每份大約80-85克。
4. 拿出漢堡扒模具（沒有模具請參考小貼士部分），在底層放上一張保鮮紙，上層塗上薄薄一點油或鋪上另一片保鮮紙。
5. 將一份肉放入模具，蓋上並盡量壓實成漢堡扒，之後脫模並用保鮮紙包好。
   
   
   
   
   
6. 先放入冰箱(Freezer)冰一晚雪硬效果比較理想，即時煎也可以。
7. 食用時不需解凍，在平底鍋少許油中小火煎熟便可。

  

小貼士

• 如沒有漢堡扒模具，可在檯面鋪上保鮮紙，放上一份肉再蓋上另一片保鮮紙，用較大平面板如膠砧板／Cheeseboard等壓薄也可。
• 買Sausage meat記住要買寫明pork sausage嘅，澳洲一般嘅sausage meat豬肉只佔小部份，主要都是牛肉，所以唔好買錯
• 包裹好未食用之漢堡扒可存放冰箱一段時間，食用時才煎熟。
• 如整豬柳蛋漢堡，用模具煎蛋時，可在雞蛋底部凝固時，用叉將蛋黃刺穿，這樣可令煎出來的雞蛋厚到比較均勻。

燉冰糖陳皮檸檬 Stewed Lemon with Mandarin Peel and Rock Sugar

 

前幾年，喺香港興起冰糖燉陳皮檸檬，據說有清熱潤喉，止咳化痰嘅功效。之後慢慢大家都學識自己整，除咗花時間燉外，其實預備功夫都唔多。

喺澳洲，每年冬天都係檸檬收成季節，最幸福係好多時都有朋友會分享家中的檸檬收成俾大家，樹上熟嘅新鮮檸檬，沒有蠟層，又大又靚! 

燉陳皮檸檬主要材料其實就只有陳皮、檸檬、冰糖，坊間有不同比例，不同比例嘅分別主要係稀杰程度同味道，但我覺得陳皮係最主要嘅材料，因為功效好唔好來自陳皮靚唔靚，所以呢個真係唔慳得。

我做以下嘅方法，糖落得較少，質地會稀一些（比較流質），檸檬味和陳皮味較重，酸一點點。

材料

檸檬          600克(切片後)

冰糖          500克

陳皮(乾)     38克

做法

1. 陳皮用清水浸軟(約數小時)，浸果皮嘅水留起，陳皮刮清果皮囊，刮清才不會有苦澀味，切幼絲備用。

2. 檸檬洗淨表面，如果是街外買的檸檬，可以用少少鹽輕輕擦洗，或用少許食用梳打粉浸一會再沖洗。

3. 檸檬頭尾不要（可用碗仔放著放入雪櫃去味)，切片去核，每片檸檬可切開2或4件，細片啲燉出來的果皮不會太大快，燉盅亦可存放多些。

4. 在燉盅內，先放入一層檸檬，再加些冰糖，再平均加一點陳皮絲，重覆幾次至滿。

5. (電子燉盅)放入電子燉盅內，燉12-14小時，留意返每款燉盅會有預設最長時間，你可以分幾次燉，每次要留意返要唔要加水入電子燉盅內（不是加入陳皮檸檬內)。我分兩日燉，第一晚先燉４小時，之後直接不動留在燉盅內，第2日再分兩次燉4小時，共燉了12小時。

（明火燉）燉盅放入煲滾水的熱鍋內，隔水中小火燉14小時，中途要定期加入熱水。（如果使用的鍋存熱，可間中中途可關火焗1-2小時代替）

6. 燉檸檬其間可預備玻璃瓶，用熱水烚玻璃瓶5-10分鐘，拿出反轉在澀水架放涼便可。

7. 燉檸檬燉好後，趁熱放入瓶內，熱的時間比較流質，涼了會變杰身一點。留意要待燉檸檬放涼才密封，防止水蒸氣倒流。又或者可以使用做果醬的方法，趁熱入瓶後封蓋，之後整瓶反轉放，以做到真空效果。

8. 做好的陳皮檸檬放在室溫陰涼處便可，如在潮濕或太熱地區才放雪櫃。

小貼士

• 留起的陳皮水可用來煲湯或煲水飲，都有止咳順氣化痰功效，不要浪費。
• 切出來的檸檬頭尾可放入雪櫃幾天去味。
• 冰糖和檸檬一般比例1:1，除甜度外，冰糖少會流質一點（稀啲），相反多啲糖會杰身啲似果醬。

日式薯仔沙律 Japanese Potato Salad

 

日式薯仔沙律 Japanese Potato Salad

材料

薯仔          1大個（約400g）

雞蛋          1隻   (全素可省略)

洋蔥          約50g  (全素可省略)

甘筍          1條約60g

罐頭粟米粒      100g 

火腿            1-2片　（素食可改用素火腿或不加)

調味

鹽          半茶匙

白醋/蘋果醋           1茶匙

沙律醬（BB醬）        3-4湯匙

黑胡椒碎             隨意

做法

1. 薯仔略洗淨外皮，放入熱水烚約30分鐘，或用筷子插入感覺已稔身便可。

2. 甘筍去皮切幾件，蒸/烚約10-15分鐘至稔身（可中途加入薯仔一齊烚）

3. 雞蛋洗淨凍水烚約15分鐘，浸凍水去殼切小粒備用。

4. 薯仔烚好後去皮，加入甘筍，做用壓蓉器或叉將薯仔甘筍壓碎，不用壓到全變蓉，壓碎便可，趁熱時加入鹽和醋拌勻，放涼備用。

5. 洋蔥切粒，如果怕生洋蔥，可不加，或先用熱水浸一兩分鐘，隔水後加少許鹽拌勻放置15分鐘。

6. 青瓜洗淨切薄片，加少許鹽拌勻靜置15分鐘。

7. 粟米粒隔水備用；火腿切絲/切粒

8. 青瓜及洋蔥用鹽醃後會有水份滲出，揸乾青瓜及洋蔥嘅水份（可以廚房紙或乾淨嘅魚骨袋幫忙）

9. 薯蓉放涼後加入所有材料，再加入沙律醬及少許胡椒碎拌勻變完成。

小貼士

• 素食朋友可減去火腿，洋蔥及蛋亦可根據個人飲食習慣減去。
• 如果俾小朋友，可以不落洋蔥及黑胡椒

台灣紅燒牛肉麵 Taiwan Braised Beef Noodle Soup

 

台灣牛肉麵 - 每次去台灣都一定要食! 不過好多年無去台灣，特別係嚟澳洲之後，想食台灣牛肉麵多數要自己整。

食譜（3-4人份)

材料

牛𦟌　　　　　1公斤

甘筍　　　　　3-4條（或紅蘿蔔1-2條）

洋蔥　　　　　1個(細)

蒜頭　　　　　10-15瓣

辣豆瓣醬　　　2湯匙 (不辣／少辣的方法可參考小貼士部分）

冰糖　　　　　20克

醬油／豉油　　200毫升

紹興酒　　　　1湯匙

熱水　　　　　2-2.5公升

麵（可以是刀削麵，手拉麵等）　這是我使用韓國粗拉麵

滷包（可使用茶包袋）

花椒粒　　　2湯匙

八角　　　　5粒

桂皮　　　　半條

香葉　　　　2-3塊

酸菜材料

鹹酸菜　　　　300克

糖　　　　　　2湯匙

蒜蓉　　　　　2湯匙

辣椒　　　　　1隻（如不吃辣可不加）

醬油膏／蠔油　2茶匙

麻油　　　　　2茶匙

油　　　　　　1湯匙

做法

1. 牛𦟌用水略沖淨一下，放入煲中加水蓋過表面，加熱飛水，水滾後煮大概5分鐘關火，隔水沖淨備用。

2. 預備滷包材料，用一個小鍋，不用加油，將滷包材料加入用小火慢慢炒香，大概2-3分鐘聞到香料香味後便可關火，放涼後放入茶袋包好備用。（不用茶包袋也可，但食用時要用隔篩將香料隔去。）

3. 甘筍切塊，蒜頭去衣，洋蔥去衣切小塊。

4. 酸菜拆去包裝，用水沖洗一下，放入大碗中，加入溫水及1/4茶匙鹽，浸30分鐘至1小時。

5. 在大鍋中，加少許油，加入蒜頭和洋蔥，再加入紹興酒用中小火炒香，加入2公斤熱水，另外將滷包、冰糖及豉油加入，中火煮滾約10分鐘。

6. 加入牛𦟌，煮滾後中小火煮1小時，如時間許可熄火再焗半小時。

7.  牛𦟌拿出，放涼一會切件，每件大約2厘米厚（記著要橫紋切），切好後和甘筍一起放回煲中煮滾，同時可試一下湯之味道，湯較鹹是正常，因為加了麵後湯味會變淡一點。有需要可依個人口味加少少鹽／糖／辣豆瓣醬調味。再煮大蓋45分鐘-1小時 (如果使用的煲較存熱，可煮滾後焗一會重覆1-2次，比較慳火，而且炆焗牛𦟌會較稔。）

8. 酸菜瀝乾及扭乾水份，切碎備用。

9.  在小鍋中加入少許油加熱，加入蒜蓉及辣椒炒香。再加入酸菜及其他酸菜調味料中小火炒4-5分鐘便完成。（由於每隻酸菜鹹度不一樣，大家可自行試味，如太鹹可加入多一點糖作平衡）。

10. 用小煲煲滾水，依照你們選的麵的包裝指示將麵煮好，隔水備用，如有需要可以凍水沖一下。（我平時喜愛台式的粗扁身麵，是次試用另一款韓式拉麵也不錯。）

11. 將煮好的牛𦟌及甘筍放入已加麵的碗中，再淋上湯底便完成，隨喜好加入酸菜食用。

小貼士

• 辣豆辦醬本身不會太辣，但如果少辣也不行，可改用豆辨醬（不辣）加１湯匙茄膏代替，但味道還是用辣豆瓣醬較好。
• 麵未煮熟前不要直接加入湯煮，麵上的麵粉會使湯變濃及厚身。
• 未吃完之酸菜可用保鮮盒存放，建議存放不多於2星期。除了拌麵食，還可用來炒肉。

泰式焗豬頸肉配椰漿飯 Baked Pork Jowl in Thai Seasoning with Coconut Rice

在香港，無論在泰式餐廳，港式餐廳，或燒烤成日都會見到有豬頸肉的菜式。在澳洲，我們常常也會在華人肉店見到Pork neck豬頸肉，但這裡的豬頸肉其實是指我們叫的梅頭豬肉。而我們熟悉的「豬頸肉」，其實又稱「豬面肉」及「豬面青」。好開心，最近同朋友傾開，終於發覺一間在家附近的韓國肉店有這種豬頸肉賣，英文叫pork jowl，韓國英文叫Hangjeongsal，我終於可以在這邊買到豬頸肉食吓喇！

食譜（2-3人份）

椰漿飯材料
米　　　1杯
椰漿　　半杯
水　　　半杯

泰式豬頸肉材料

豬面肉／豬頸肉　　　　2塊
香茅　　　　　　　　　1支
蒜頭　　　　　　　　　2-4瓣
檸檬葉（可省略）　　　2片
洋蔥　　　　　　　　　約15克
老抽　　　　　　　　　2茶匙
魚露　　　　　　　　　1湯匙
米酒　　　　　　　　　2茶匙
糖　　　　　　　　　　2茶匙
青檸汁／檸檬汁　　　　1茶匙
蜜糖　　　　　　　　　1茶匙
水　　　　　　　　　　1茶匙

豬頸肉沾汁材料
糖　　　　　　　1茶匙
魚露　　　　　　1湯匙
青檸汁／檸檬汁　1湯匙
暖水　　　　　　半湯匙
甜椒粉(Paprika) 　1/2茶匙
鮮辣椒粒　　　　1隻／1茶匙（不吃辣可省略）

椰漿飯做法

1. 白米洗淨隔去洗米水，連同椰漿和水一起加入飯煲中。
2. 略拌勻一下，依平時開啟飯煲煮飯模式便可。

豬頸肉做法

1. 豬頸肉略用水沖洗一下抹乾，如脂肪部分太多可切去一些，在較多脂肪部分輕輕用刀切一些紋。

2. 香茅切細片（越近根部的部分味道越香）；檸檬葉切絲（捲起一條再切較易）。

 

3. 將蒜頭、洋蔥、檸檬葉、香茅放入食物處理機打碎；如沒有處理機可用菜刀把材料切細。



4. 用一大碗，放入豬頸肉，加入剛才打碎的材料，及老抽、魚露、米酒、青檸／檸檬汁、糖拌勻，醃最少30分鐘（可以醃久一點）

 

5. 預熱焗爐180度，焗盤上鋪上牛油紙／鍚紙，放上醃好的豬頸肉（蒜蓉和香茅等材料焗完後會有點焦，想外表美觀一些可先把香料清去）

 

6. 每一面先焗15分鐘，反轉另一面時可以再掃上之前的醃汁。

 

 

7. 蜜糖加水拌勻備用。

8. 豬頸肉烤焗其間，可先預備醬汁，先用暖水加入糖、檸檬汁和辣椒拌勻，再加入餘下調味料後便可。



9. 豬頸肉烤焗30分鐘後，拿出塗上蜜糖水，每一面再焗5-10分鐘（視乎焗爐效果，可轉為燒烤功能令豬頸肉香口一點）。

 

10. 從焗爐拿出後切片便完成。

 

 

 

小貼士

 

— 椰漿飯的米和水份比例一般為（1 : 1 ），但可自己根據平時煮飯的米和水比例，再將一半水的份量改成椰漿便可。

— 以上烤爐時間，可自行按需要加減。

— 泰式豬頸肉切薄片，可令肉片沾醬汁多一點