蒜泥白肉 Sliced Pork Belly with Garlic Vinegar Sauce

蒜泥白肉係我其中一個幾鍾意嘅涼拌菜，其實唔係好難整，豬腩肉主要要切得薄身同爽口就得，重點在個汁，這個汁用來做涼拌木耳或青瓜都唔錯。

有時多朋友來食飯，做這些涼拌菜的好處是可預先早一點做好，到吃飯時拿出來就食得，非常方便。

食譜（2人份）

材料

豬腩肉　　　　　250克

烚豬肉配料

薑　　　　　　2片
蔥段　　　　　4-5條
紹興酒／米酒　2茶匙

醬汁

蒜蓉　　　　　1湯匙
熱水　　　　　1茶匙
糖　　　　　　半茶匙
鎮江醋　　　　1.5湯匙
蠔油　　　　　半湯匙
麻油　　　　　半茶匙
胡椒粉　　　　少許
辣椒油　　　　半茶匙（唔食辣可不加）

做法

1. 豬腩肉洗淨，如有豬毛可用刀刮刮表面，或微微用火燒一燒，最簡單用鉗夾走也可。

2. 放入煲中，加入凍水加熱至滾後1-2分鐘飛水，倒去水份，水喉水沖洗一下備用。

3. 再將豬腩肉放回已洗淨的煲中，加水蓋過豬腩肉表面多一點，再加入烚豬肉配料，開中火煮滾，再轉小火煮40分鐘，熄火焗15分鐘。（如果豬肉大塊些，所需時間也需增長）

4. 預備一盆冰水，將烚好的豬肉放入冰水內浸15-20分鐘。如不趕著吃，可豬肉連冰水放於雪櫃長一點時間才拿出來。

5.  放涼豬腩肉的同時，可預備醬汁，可先用熱水把糖溶掉，再加入其他醬汁材料拌勻便可。

6. 豬肉放涼後拿出抹乾，用熟食刀將豬腩肉切薄片，便可配醬汁食用，如不是即時食用，可先放於雪櫃。

小貼士

• 涼拌汁可用於其他蔬菜，如木耳或青瓜等
• 如想減低蒜蓉的辣味，在開始用熱水溶糖時也把蒜蓉加入，加熱可減低生蒜的辣味。

土匪雞翼 Baked Chicken Wings in Cumin seeds seasoning

土匪雞翼 - 自從隨當年米線店出現後就成為其中一樣非常受歡迎嘅小食。
在澳洲時間中諗煮咩餸而有雞翼存貨時，間中都會諗起整呢款味，貪佢方便醃完一焗就得

食譜（12隻 )

材料
雞中翼　　　　12隻
黑芝麻　　　　1茶匙

醃料
孜然粉　　　　　1湯匙
川椒粉　　　　　半茶匙
生抽（豉油）　　1湯匙
老抽　　　　　　1茶匙
鹽　　　　　　　半茶匙
糖　　　　　　　2茶匙
紹興酒　　　　　2茶匙
油　　　　　　　1茶匙
蒜粉　　　　　　1茶匙（可用蒜蓉代替）
芝麻油　　　　　1茶匙
胡椒粉　　　　　少許
栗粉　　　　　　1茶匙
芫茜籽粉　　　　半茶匙（可以不用，加了味道更好）


做法

1. 雞翼洗淨，瀝乾備用。

2. 雞翼加入所有醃料拌勻，醃最少2小時（可以放雪櫃醃過夜）

3. 預熱焗爐200度，將雞翼放於有架的焗盤上（用焗盤架可令雞翼焗出來乾身一點，沒有也可），背面向上，焗15分鐘

 

4. 把雞翼拿出來，將雞翼反轉面向上，將之前餘下的醃汁塗上，再焗10分鐘

5. 將雞翼拿出，焗爐轉成燒烤模式（Grill），雞翼表面灑上黑芝麻

 

6. 放回焗爐多焗5-10分鐘至雞翼表面變金黃便完成。

小貼士

• 黑芝麻亦可先用白鑊乾炒一下，焗完雞翼後才灑上
• 如想辣一點，可加多一點川椒粉及少許辣椒粉
• 如果沒有燒烤模式（Grill），可全程使用一般烤焗模式



西洋菜蜜 Sweet Watercress drink

最近常常在Facebook聽到喺澳洲呢邊啲朋友講想飲菜蜜，其實我都曾經好鍾意飲，我鍾意菜蜜多過檸蜜。不過其實大家都知其實佢係「西洋菜味糖水」...反正無得買，而家（澳洲）又啱時候食西洋菜，咁就試吓自己煲啦


食譜（約4杯）

材料
西洋菜　　　150克
蜜棗　　　　2粒
水　　　　　1500毫升
蜜糖／冰糖　隨意

做法

1. 西洋菜切開兩至三段，用凍水加鹽浸一會，瀝乾洗淨。（如買回來的西洋菜較多泥，浸洗時可中途換1-2次水）

2. 蜜棗剪開，這樣可令蜜棗的味道更易煲出來。

3. 蜜棗放入煲中，加水1500毫升，煲滾後加蓋小火煲15-20分鐘。

4. 將水轉回大火，水滾後加入西洋菜，再滾起時轉小火加蓋煲1小時。

5. 煲好後熄火多焗半小時。

6. 將西洋菜及蜜棗隔起，如不怕西洋菜煲得太淋或已變黃，可隔起食用不浪費。
這時西洋菜蜜因為加了蜜棗已有甜味，已可飲用，如想甜一點，可選擇按自己口味加一點冰糖再煮一下。或放暖一點後，飲用時在杯水加1/2 - 1茶匙蜜糖拌勻便可。

小貼士

• 大火放入西洋菜可減低西洋菜煲出來的苦味。
• 未飲完的西洋菜蜜可放入樽內存放雪櫃，最好3-4日內飲完。
• 如使用蜜糖，建議在微熱（溫暖時）才加入，太熱會影響蜜糖的成份。

西洋菜羅漢果陳腎煲豬𦟌湯 Watercress Pork Soup with monk fruit and dried duck giblets

 

 

天氣凍凍地，飲返個暖笠笠嘅湯最好，羅漢果甘甜，陳腎鹹鹹香香，煲出來嘅湯超夠味

食譜（4-5人用）

 

材料

西洋菜　　　　1札(約300g)

果皮　　　　　一角

羅漢果　　　　半個

陳腎　　　　　4粒(香港嗰啲兩粒連住，2塊就夠

豬𦟌　　　　　約200克（豬軟骨300-400g）

水　　　　　　2-2.5公升

做法
1. 陳腎早一晚或早幾小時浸軟；西洋菜切短，洗淨瀝乾；果皮浸軟去囊；豬𦟌飛水；羅漢果半個略沖一沖。

2. 在湯煲中加入除西洋菜外其他材料，中大火煲滾後轉中小火最少煲1小時（如使用鑄鐵鍋或存熱的煲可煲半小時，熄火焗一會再煲），如夠時間可煲下焗下約2小時

3. 飲湯之前約45分鐘，煲返滾個湯加入西洋菜一齊煲（怕菜變黃可以煲15-20分鐘；鍾意淋哂出哂味可以煲約45分鐘便完成）

小貼士

羅漢果半個已經好夠味，一個會過甘