上海菜飯(簡易版) Shanghai Bok Choy Rice

上海菜飯係其中一個我好鍾意食嘅「有味飯」，喺出面食好多時都會有鹹肉或金華火腿喺裡面，其實只要最簡單白菜加飯加少少鹹味我已經好鍾意

上海白菜—喺香港我叫開小棠菜，喺澳洲啲人就咁叫白菜，亦有人叫青江菜

以下版本沒有用肉類也沒有用雞湯，如想使用可參考尾部小貼士部分；另外想參考更簡易方法亦可參考小貼士

食譜（3-4人份）

食材

上海白菜　2-3棵（約400克）
米　　　　1.5米量杯 （上圖白米裡混了一點小米）
水　　　　1.5米量杯 （米：水＝1:1 )
鹽　　　　1/2茶匙
油　　　　1茶匙

做法

1. 白菜洗淨切絲，葉和莖可分開切，葉可疊在一起再捲起來切。

 

2. 白米洗淨，加入水及鹽，開啟電飯煲煮飯功能煮飯。

3. 在鑊中加入油預熱，加入菜略炒，炒至微微變軟便可。（約半分鐘至1分鐘）

 

4. 當米煮至剩下15-20分鐘時，將炒過的白菜加入在飯面

 

5. 飯煮熟後拌勻飯和菜便完成。

小貼士

• 如想使用雞湯，將水的部分轉為雞湯／上湯，不用加鹽便可。
• 如想加入金華火腿／鹹肉，可先切小粒炒一炒，煮飯前加入米和水中便可。
• 如不怕白菜顏色變黃，炒過的菜可直接於洗米後加入一起煮，那樣菜飯的菜味更濃。
• 鹽加入米水中，不要直接加入炒菜，防止白菜出水





冬瓜粒鴨絲湯/羮 Winter Melon & Duck Slices Soup

食譜（2-3人份）


材料
鴨絲　　　　　　120七
冬瓜（去囊去皮）300-400克
木耳絲（乾）　　4克
乾冬菇　　　　　2-3隻
筍絲　　　　　　40克　（可不加）
果皮　　　　　　1角
水　　　　　　　1公升
🌟如果做湯羮另預備馬蹄粉20克及清水50毫升


做法
1. 冬菇、木耳絲、果皮浸軟。冬菇切片/切絲，果皮去囊切絲，保留果皮水

2. 筍絲飛水瀝乾；冬瓜切粒

3. 在鍋中加水及果皮，煲滾後加入冬菇絲和筍絲

4. 5分鐘後加入其餘材料，煲20-30分鐘

5. 加入少許胡椒粉及鹽調味便可

🌟如果製作湯羮，味道可濃一點點，及增加以下步驟

6. 馬蹄粉加水拌勻，靜置幾分鐘

7. 加入半茶匙糖，1茶匙豉油，1/4茶匙麻油，及鹽（酌量）調味

8. 加入馬蹄粉漿（加入前再拌勻），加入後略攪拌湯羮，湯羮慢慢變杰身便完成。

小貼士

• 鴨絲可改為雞絲/雞粒/豬肉粒，煮之前用豉油+糖+粟粉略醃一會便可
• 可加入少許金華火腿增加香味
• 材料可隨個人喜好略作增減

.

炸雞店蘑菇飯（素食／非素食） Rice with Mushroom Sauce (reference to taste from KFC HK)

今晚突然好想食KFC，又諗起香港買佢食嘅話，間中都會叫吓蘑菇飯，就改咗今晚餐單，外賣KFC雞配自家蘑菇飯😛
.
食譜（2人份）

材料

蘑菇切片　　　200克
蒜茸／蒜粉　　1茶匙　
牛油　　　　　30克
雞湯　　　　　200克
麵粉　　　　　1.5湯匙
鹽　　　　　　少許
做法

1. 小鍋預熱牛油，炒香蒜蓉蘑菇

2. 蘑菇變軟後加入麵粉炒勻，沒有白色粉粒後再倒入雞湯拌勻煮滾

3. 蘑菇汁慢慢變杰身，可自行加點鹽調味便完成

小貼士

• 素食者可用植物油及蔬菜湯代替牛油及雞湯
• 蒜蓉用蒜粉代替煮出來外表較像
• 如喜歡可加一點胡椒

西洋菜羅漢果陳腎湯 Chinese Watercress Soup

呢個湯清熱潤肺止咳，見啱西洋菜靚，煲來飲吓！😊（孕婦避免飲用）
食譜（2-3人份）

材料

唐排　　　300克（可用豬骨/豬𦟌代替）
果皮　　　1角（浸軟去囊）
蜜棗　　　1粒
甘筍　　　1條
陳腎　　　3-4片／2個
南北杏　　少許
西洋菜　　2束（約400g；多/少一點都可）
羅漢果　　半個
水　　　　2.5公升


做法

1. 唐排飛水沖淨，將所有材料（除西洋菜外）和水一起放入煲中

2. 大火滾起，再小火煲1.5-2小時

3. 加入洗淨之西洋菜中大火滾30分鐘便可，隨喜好加鹽調味。

小貼士

• 使用真空煲或鑄鐵鍋可煲一會，熄火焗一會再煲，這些煲保溫力多，可慳火一點。
• 羅漢果不要落太多，甘味太重會蓋過其他味道。

薑汁撞奶 Chinese Ginger & Milk Pudding

呢幾日涼咗啲，屋企又有材料，整碗薑汁撞奶暖吓！
P.s.澳洲啲薑好貴，榨完薑汁啲薑渣留番嚟爆下薑蓉，唔好浪費！😛

食譜（1碗份量）

1. 老薑磨蓉榨汁 12ml，放入碗中

2. 鮮奶一碗（200ml)加2茶匙糖 -可自行加減糖

3. 煲熱鮮奶至攝氏80度（或開始微微出煙，熄火快手倒入碗中

4. 放涼5-10分鐘，其間不要攪拌或移動，之後便可食用。

海帶臭草果皮綠豆沙 Chinese Green/Mung Bean Sweet Soup

最近澳洲呢度啲朋友種咗啲臭草我拿了一點試下種，當然又拎啲煲吓綠豆沙😛。其實以前喺香港屋企個花糟都種過，我其實覺得臭草一啲都唔臭㗎😛！

食譜（約4碗）

材料
綠豆　　　100克
米　　　　20克
臭草　　　一小棵
乾海帶　　4克
果皮　　　一角
冰糖　　　自行調教
水　　　　1.5公升

做法

1. 綠豆沖洗一下，用水浸住放雪櫃浸一晚/幾個鐘，用之前隔掉水分

2. 果皮浸軟去囊切絲；乾海帶浸軟切細條/細片

3. 臭草洗淨；米洗淨用少少水浸一陣

4. 用一個比較大的煲（至少比水容量多一倍），果皮隨水一起煲滾，加入綠豆、米、臭草，水再滾後維持中火煮至米及綠豆爆開起沙（開花），好似煲粥咁不要加蓋煲，防止滾瀉

5. 加入海帶及冰糖，冰糖可以先加一些，試味後隨喜好加減，冰糖溶掉後便可食用

小貼士

• 如果時間許可，可煲半小時後熄火焗一會再煲，不要用慢火（易黏底），不時攪拌一下
• 因為不同煮食爐火力不同，請自行調教火力（維持煮滾水狀就可），水分如蒸發得太快可中途加點熱水
• 新鮮臭草的枝葉可煲軟一齊食，乾的會教硬，食用前可自行決定保留/拿走

白汁雞皇飯 Creamy Chicken Rice in White Sauce

在香港時，間中都會食下KFC，除了辣雞，還喜歡叫蘑菇飯和雞皇飯，每次也在想配那一款飯較好。
來到澳洲之後，這裡的KFC沒有這些，想食便要自己煮喇！試左一兩次，味道都幾似，大家都可以試下。

食譜（2-3人份 )

材料

去皮雞脾肉　　　1-2塊（約280-300克）
　／雞胸肉
薯仔　　　　　　1個
甘筍　　　　　　1條
洋蔥　　　　　　半個
青豆　　　　　　30克（選擇性加入）
白飯　　　　　　2-3碗

白汁
牛油　　　　　　30克
牛奶　　　　　　400毫升
麵粉　　　　　　20克
水　　　　　　　250克
鹽　　　　　　　1茶匙
黑胡椒碎／粉　　半茶匙

雞肉醃料
鹽　　　　　1/4茶匙
胡椒粉　　　少許

做法

1. 雞肉去除肥的部分，切粒並加入醃料醃10-15分鐘。

2. 洋蔥、薯仔、甘筍切粒。青豆解凍。

3.  鑊中加一點油，中火預熱，先炒香洋蔥粒，再加入薯仔粒甘筍粒炒勻。

4. 加入雞粒炒至半熟，加入鹽及黑胡椒碎

5. 加入約250毫升水，此時可加蓋焗一下，間中攪拌一下至水份收乾及薯仔變軟身。（如薯仔仍很硬，可再加水煮多一會。煮好後先盛起備用

6. 原鑊小火加入牛油，煮溶後篩入麵粉，快手拌勻至沒有粉粒的幼滑麵漿。

7. 倒入牛奶，繼續快手攪勻，令牛奶和麵漿混合成稠身白汁。

8. 將剛煮好的薯仔甘筍雞粒，和青豆一起加入白汁，拌勻並中小火煮滾試味，如不夠味可加鹽調味，如太稠身可以加一點牛奶或熱水。

9. 再煮一下便完成，可配白飯或意粉食用。

小貼士

• 麵粉可選用高筋麵粉或中筋麵粉皆可。
• 煮白汁時必須要快手拌勻麵粉至沒有粉粒，否則白汁會不夠滑身。
• 不用牛油可用其他菜油／橄欖油代替。

南瓜粟米栗子素湯 Soup with Pumpkin Chestnuts and Corns (Vegetarian)

每年冬天都係栗子當造的季節，澳洲天氣又特別乾燥，栗子除左做甜品及煮餸之外，最適宜用來煲湯，配合其他清潤鮮甜的蔬菜，如粟米、南瓜等，煲出來的湯清甜滋潤，大人小朋友都非常適合。

食譜（2-3人份）

材料

南瓜　　　　500克 (中式南瓜或Butternut較甜)
栗米　　　　1條
去殼栗子　　100克 (栗子去殼方法按這裡)
腰果　　　　50克
水　　　　　1500毫升

做法

1. 南瓜皮去籽，切塊備用。粟米切短。

2. 預備一個湯鍋，放入水、栗米、腰果、栗子之後加蓋大火煲滾（如使用鑄鐵鍋使用中至中大火便可)

3. 煲滾後加入南瓜，大火煲15分鐘，轉小火煲45分鐘便可。（如時間許可及使用較耐熱的鍋，轉小火後煲15分鐘，過半小時至一小時再中火煲15分鐘，重覆一次便可，味道會更清甜）

4. 可根據喜好加入少計鹽調味。

小貼士

• 如不喜歡素湯，可以用已飛水的豬展（約150克）取代腰果。

手抓羊肉飯 Hand Mutton Rice

細糖來到澳洲後認識了位開餐館的朋友，有一次跟朋友在餐館吃飯及傾談到他們的宵夜時間，當晚老闆煮了手抓羊飯俾同事做宵夜，老闆也包了一盒給我試。我不是吃羊的超級粉絲（我比較愛牛），但這個飯真的令我十分難忘，非常好吃，可能我一向喜歡吃「有味飯」有關。

我一直以後這個飯需要非常多配料／香料，後來才發現這個飯做法原來很簡單，用的調味料也不多，只有鹽、糖、及少許孜然粉，其他都是食材本身的原味，喜歡羊的朋友一定會喜歡。

食譜（2-3人份）

材料

羊肉／羊骨腩　　　　　　　　200克（可以隨喜好增加羊肉份量）
（Lamb Belly / Spare Ribs）
甘荀　　　　　　　　　　　　1條
洋蔥　　　　　　　　　　　　半個（大）／1個（小）
白米　　　　　　　　　　　　2米杯（約300克）
水　　　　　　　　　　　　　2米杯（米:水 = 1:1 )
提子乾　　　　　　　　　　　2湯匙
(因為我不喜歡提子乾，所以沒有加入）

調味料

糖　　　　　　半茶匙
鹽　　　　　　1茶匙
孜然粉　　　　半茶匙









做法

1. 羊骨腩洗淨瀝乾水份，將羊骨腩的肥及瘦的部分切開，分別切細一點，骨的部分保留。

2. 甘荀及洋蔥分別去皮及切絲

3. 白米洗淨瀝出水份，放入飯煲，加入同白米同等水份備用。

4. 預備一隻鑊，不用加油，加入剛切出來羊肉肥的部分，中火慢慢煎出油來。（如果是偏瘦的羊肉，可加入一茶匙油）

5. 加入一半洋蔥洋及其餘羊肉，一起炒至洋蔥軟身。

6. 加入餘下的洋蔥及甘荀絲，繼續炒勻，炒至甘荀變軟身。

7. 加入所有調味料炒勻。

8. 材料炒好後倒入飯煲內均勻鋪上米面。如加提子乾也可此時加入。之後如常使用電飯煲煮飯模式煮飯。

9. 飯煮好後，略為拌勻便完成。

小貼士

• 如果不喜歡羊肉，可轉用雞肉，但羊肉效果較好。
• 甘荀係帶出甜味的來源，盡量不要除去。
• 如果不用飯煲，用鑄鐵鍋或煲仔都可以，水份一樣，但先加餸後加米及水。
• 在香港，可以買一些急凍羊腩也可。

回鍋肉 Twice cooked pork

回鍋肉 — 由細到大食這道菜聽這個名，都沒有理會為什麼叫「回鍋肉」，到自己煮過先知是因為要將肉先煎熟再回鍋炒一下，才得這個名字。
這個餸雖然用的是豬腩肉，但跟豆干及椰菜加一點點辣一起炒，味道很好「送飯」。

食譜（2-3人份）

材料

豬腩肉　　　　　200克 （可用豬腩肉片代替）
椰菜　　　　　　200克
豆干　　　　　　3塊
辣椒　　　　　　1隻 （可視乎嗜辣程度自行加減）
米酒　　　　　　1茶匙（豬腩肉飛水用）

調味料

糖　　　　　　　半茶匙
米酒　　　　　　1茶匙（米酒／紹興酒也可）
辣豆瓣醬　　　　1.5茶匙
甜麵醬／黃豆醬　1.5茶匙

做法

1. 豬腩肉放入煲中，加水至蓋過豬肉，加入米酒之後加熱至水滾後煮5分鐘，再熄火焗15分鐘，之後再重覆一次（大火煮5分鐘+熄火焗15分鐘 )，撈起沖凍水備用（此步驟可令豬腩肉較爽，不會有油膩感）。

2. 椰菜洗淨切細片；豆干切片；辣椒切絲或切粒。

3. 豬肉切成薄片。

4. 在鑊中加入少許油中小火預熱，將豬腩片中小火煎香，盛起備用。

5. 原鑊（不用洗鑊）中火加入豆干，先炒一下，再加入椰菜、糖及米酒炒勻至椰菜變軟身。

6. 之後加入辣豆瓣醬及甜麵醬炒勻。

7.  最後加入豬腩肉片及辣椒，有需要可自己用糖／鹽調教味道，略多炒一會便完成。

小貼士

• 可使用現成火鍋豬腩肉片，省略飛水步驟（但會較薄身及沒有那麼爽口）