澳洲東部及南部冬天天氣寒冷潮濕，最啱菇菌類生長。上年冬天跟朋友第一次去摘菇，認識了松乳菇(Pine Mushroom / Saffron Milk Cap / Lactarius Deliciosus)，這種菇因為底面都是橙色，較易辨認，不易和其他不知名的菇菌混亂。
松乳菇質感比較爽口，菇味不算太重，上年多咗食唔哂嘅菇諗緊可以點用，之後搵到可以將佢整成法式菇醬搽餅乾或者搽麵包食，試過味道好好，今年又摘咗可以再整。
其實就算唔係用松乳菇，用一般蘑菇都可以做這個蘑菇醬
原食譜可參考這裡。
食譜（2個小碗份量）
材料
蘑菇 300克 （本食譜使用嘅係松乳菇，普通蘑菇處理方法一樣）
忌廉芝士 250克
牛油 45克
蒜瓣 4-6瓣
鹽 1/4茶匙
黑胡椒碎 半茶匙(可省略)
乾香草碎 1茶匙(可省略)
(原食譜中會加入松子仁Pine nut 1-2湯匙，這個加入會更香口，不加也可)
做法
1. 將蘑菇用濕布或沾濕廚房紙抹淨，切小粒備用。
2. 蒜瓣切片；牛酒放入鑊中小火煮溶，加入蘑菇、蒜片、及松子仁中火炒勻。
3. 加入鹽、胡椒和乾香草，中火慢慢炒會有水份出來。
4. 繼續慢炒至水分蒸法，菇變得乾身便可關火，放涼備用。
5. 忌廉芝士磚切粒備用。
6. 蘑菇放涼後放入攪拌機打溶，再加入忌廉芝士粒略拌勻，再於攪拌機打至滑身。
7. 將蘑菇醬放入小碗中抹平用保鮮紙蓋好，或放入已消毒的玻璃瓶中加蓋封好。
8. 放入雪櫃存放，建議1-2星期內吃完。
小貼士:
- 炒蘑菇時可根據口味起好加入鮮香草或香料。
- 蘑菇必須炒至乾身，否則蘑菇醬會有水分滲出。
- 如果蘑菇醬不是一次吃完，每次塗醬使用的抹刀必定要乾淨及乾爽，不要有水份。吃完要放回雪櫃。
