豬柳漢堡扒 Pork Sausage Patties

 

話說澳洲麥記嘅「豬柳蛋漢堡」(Sausage & Egg muffin)嗰塊漢堡扒，其實係牛柳漢堡扒嚟嘅…. 呢度亦無現成豬柳賣，所以我間中都試吓自己整豬柳，不過都未係好似…. 最終，今次用咗個懶人方法，反而比較接近

😂講明先，呢個方法只係「叫做頂住吓」嘅方法，未係十分滿意但算方便

豬柳漢堡扒 Pork Sausage Patties (約6塊)

材料

• Sausage meat 腸仔肉碎 500克
• Grounded sage 乾鼠尾草碎 半茶匙
• Onion powder 洋蔥粉 1茶匙
• Garlic powder 香蒜粉 1茶匙
• Grounded pepper 胡椒碎 1茶匙
  (建議用3色胡椒碎，如沒有則用黑胡椒也可)
• Sugar 糖 半茶匙

做法

1. 拆開Sausage Meat包裝，用廚師機／手／筷子將肉攪鬆。
   
   
   
   
   
2. 加入所有調味料，攪拌至均勻。
3. 一包大約可做6塊漢堡扒，可先分成6份圓球狀，每份大約80-85克。
4. 拿出漢堡扒模具（沒有模具請參考小貼士部分），在底層放上一張保鮮紙，上層塗上薄薄一點油或鋪上另一片保鮮紙。
5. 將一份肉放入模具，蓋上並盡量壓實成漢堡扒，之後脫模並用保鮮紙包好。
   
   
   
   
   
6. 先放入冰箱(Freezer)冰一晚雪硬效果比較理想，即時煎也可以。
7. 食用時不需解凍，在平底鍋少許油中小火煎熟便可。

  

小貼士

• 如沒有漢堡扒模具，可在檯面鋪上保鮮紙，放上一份肉再蓋上另一片保鮮紙，用較大平面板如膠砧板／Cheeseboard等壓薄也可。
• 買Sausage meat記住要買寫明pork sausage嘅，澳洲一般嘅sausage meat豬肉只佔小部份，主要都是牛肉，所以唔好買錯
• 包裹好未食用之漢堡扒可存放冰箱一段時間，食用時才煎熟。
• 如整豬柳蛋漢堡，用模具煎蛋時，可在雞蛋底部凝固時，用叉將蛋黃刺穿，這樣可令煎出來的雞蛋厚到比較均勻。

港式鮮蝦豬肉燒賣 Pork & Shrimp Siu Mai

唔知大家有無覺得，雖然燒賣是在酒樓必有的點心，但係好像沒有以前的好吃。相信其中一個原因，是因為現在的酒樓點心多數是廠房大量生產；而另外一個原因，聽我家人說，是因為好吃的燒賣豬肉應該是切小粒，而不是現在酒樓貪快用肉碎整的；還有一個原因是，近10-20年，酒樓很多時標榜燒賣是大大隻蝦或甚至是用鮑魚，其實以前的燒賣，就是簡簡單單用豬肉加蝦仁粒加冬菇粒包，如果要食大大隻蝦我不用吃燒賣吧! :P

食譜（約20-25粒）

材料
燒賣皮／廣東雲吞皮　　約25塊
蝦仁　　　　　　　　　180克
豬肉　　　　　　　　　200克
(可用去皮豬腩肉，如想瘦一點可用梅頭，有少少肥較好；如想簡單點用肉碎也可，但肉粒效果較好）
冬菇　　　　　　　　　2隻

甘筍粒／蟹子／青豆　　適量裝飾用（可省略）

調味料

糖　　　　2茶匙
豉油　　　1湯匙
栗粉　　　1.5湯匙
麻油　　　半茶匙
菜油　　　半茶匙
胡椒粉　　少許

做法

1. 冬菇浸軟去莖；蝦仁如是急凍的先解凍並除去蝦腸。

2. 豬肉洗淨抹乾，先切成幼條，再切成小粒。

3. 冬菇榨出多餘水分，和蝦仁各自切成小粒。

4. 將豬肉粒、蝦粒、冬菇粒連同調味料拌勻，用保鮮紙封好放雪櫃半小時至１小時，如時間不夠不雪也可。

5. 如使用廣東雲吞皮，可將方型的雲吞皮切成圓形，包出來較美觀。

6. 將燒賣皮放在手掌的虎口位上（姆指及食指內範圍位置），加入少許餡料在中間（約一湯匙份量），令用刮刀或匙將餡料向內輕壓，餡料便會在虎口位置向下，外皮向內包裹成燒賣狀，用姆指及食指輕轉動將燒賣包實便可。如燒賣皮太乾，放入餡料後，在燒賣皮外圍可塗少許水，令燒賣皮更易黏著。

7. 蒸盤上可鋪上蒸籠紙（或用牛油紙剪開），包好的燒賣放在蒸盤上。

8. 如想在表面加裝飾，可用大約1茶匙蟹籽分到每粒燒賣上；另外亦可用少許甘筍切幼粒放在燒賣上。

9. 預熱蒸鍋，隔水蒸20分鐘便可食用。

小貼士

—可用去皮豬腩肉，如想瘦一點可用梅頭，有少少肥較好；如想簡單點用肉碎也可，但肉粒效果較理想。
—使用廣東雲吞皮，不修剪也可，只是沒有那麼美觀。
—未食完之燒賣，放涼後可放入保鮮袋存放在冰箱中。

泰式焗豬頸肉配椰漿飯 Baked Pork Jowl in Thai Seasoning with Coconut Rice

在香港，無論在泰式餐廳，港式餐廳，或燒烤成日都會見到有豬頸肉的菜式。在澳洲，我們常常也會在華人肉店見到Pork neck豬頸肉，但這裡的豬頸肉其實是指我們叫的梅頭豬肉。而我們熟悉的「豬頸肉」，其實又稱「豬面肉」及「豬面青」。好開心，最近同朋友傾開，終於發覺一間在家附近的韓國肉店有這種豬頸肉賣，英文叫pork jowl，韓國英文叫Hangjeongsal，我終於可以在這邊買到豬頸肉食吓喇！

食譜（2-3人份）

椰漿飯材料
米　　　1杯
椰漿　　半杯
水　　　半杯

泰式豬頸肉材料

豬面肉／豬頸肉　　　　2塊
香茅　　　　　　　　　1支
蒜頭　　　　　　　　　2-4瓣
檸檬葉（可省略）　　　2片
洋蔥　　　　　　　　　約15克
老抽　　　　　　　　　2茶匙
魚露　　　　　　　　　1湯匙
米酒　　　　　　　　　2茶匙
糖　　　　　　　　　　2茶匙
青檸汁／檸檬汁　　　　1茶匙
蜜糖　　　　　　　　　1茶匙
水　　　　　　　　　　1茶匙

豬頸肉沾汁材料
糖　　　　　　　1茶匙
魚露　　　　　　1湯匙
青檸汁／檸檬汁　1湯匙
暖水　　　　　　半湯匙
甜椒粉(Paprika) 　1/2茶匙
鮮辣椒粒　　　　1隻／1茶匙（不吃辣可省略）

椰漿飯做法

1. 白米洗淨隔去洗米水，連同椰漿和水一起加入飯煲中。
2. 略拌勻一下，依平時開啟飯煲煮飯模式便可。

豬頸肉做法

1. 豬頸肉略用水沖洗一下抹乾，如脂肪部分太多可切去一些，在較多脂肪部分輕輕用刀切一些紋。

2. 香茅切細片（越近根部的部分味道越香）；檸檬葉切絲（捲起一條再切較易）。

 

3. 將蒜頭、洋蔥、檸檬葉、香茅放入食物處理機打碎；如沒有處理機可用菜刀把材料切細。



4. 用一大碗，放入豬頸肉，加入剛才打碎的材料，及老抽、魚露、米酒、青檸／檸檬汁、糖拌勻，醃最少30分鐘（可以醃久一點）

 

5. 預熱焗爐180度，焗盤上鋪上牛油紙／鍚紙，放上醃好的豬頸肉（蒜蓉和香茅等材料焗完後會有點焦，想外表美觀一些可先把香料清去）

 

6. 每一面先焗15分鐘，反轉另一面時可以再掃上之前的醃汁。

 

 

7. 蜜糖加水拌勻備用。

8. 豬頸肉烤焗其間，可先預備醬汁，先用暖水加入糖、檸檬汁和辣椒拌勻，再加入餘下調味料後便可。



9. 豬頸肉烤焗30分鐘後，拿出塗上蜜糖水，每一面再焗5-10分鐘（視乎焗爐效果，可轉為燒烤功能令豬頸肉香口一點）。

 

10. 從焗爐拿出後切片便完成。

 

 

 

小貼士

 

— 椰漿飯的米和水份比例一般為（1 : 1 ），但可自己根據平時煮飯的米和水比例，再將一半水的份量改成椰漿便可。

— 以上烤爐時間，可自行按需要加減。

— 泰式豬頸肉切薄片，可令肉片沾醬汁多一點

 



 



西洋菜蜜 Sweet Watercress drink

最近常常在Facebook聽到喺澳洲呢邊啲朋友講想飲菜蜜，其實我都曾經好鍾意飲，我鍾意菜蜜多過檸蜜。不過其實大家都知其實佢係「西洋菜味糖水」...反正無得買，而家（澳洲）又啱時候食西洋菜，咁就試吓自己煲啦


食譜（約4杯）

材料
西洋菜　　　150克
蜜棗　　　　2粒
水　　　　　1500毫升
蜜糖／冰糖　隨意

做法

1. 西洋菜切開兩至三段，用凍水加鹽浸一會，瀝乾洗淨。（如買回來的西洋菜較多泥，浸洗時可中途換1-2次水）

2. 蜜棗剪開，這樣可令蜜棗的味道更易煲出來。

3. 蜜棗放入煲中，加水1500毫升，煲滾後加蓋小火煲15-20分鐘。

4. 將水轉回大火，水滾後加入西洋菜，再滾起時轉小火加蓋煲1小時。

5. 煲好後熄火多焗半小時。

6. 將西洋菜及蜜棗隔起，如不怕西洋菜煲得太淋或已變黃，可隔起食用不浪費。
這時西洋菜蜜因為加了蜜棗已有甜味，已可飲用，如想甜一點，可選擇按自己口味加一點冰糖再煮一下。或放暖一點後，飲用時在杯水加1/2 - 1茶匙蜜糖拌勻便可。

小貼士

• 大火放入西洋菜可減低西洋菜煲出來的苦味。
• 未飲完的西洋菜蜜可放入樽內存放雪櫃，最好3-4日內飲完。
• 如使用蜜糖，建議在微熱（溫暖時）才加入，太熱會影響蜜糖的成份。

椰子水燉蛋 Steamed Egg Custard Dessert with Coconut Water

爸爸唔記得幾多年前起，話自己燉蛋好好食，間中就會燉一次俾我哋食，有時又會燉俾親戚試下。今年佢嚟探的我哋同BB時，有一日我話想食燉蛋，之後我又話不如試下用椰子水燉，咁爸爸話可以試下，完成後都好滿意，少甜又嫩滑的燉蛋帶有淡淡的椰子味，我諗同我哋去食椰皇燉蛋白的感覺差唔多，不過簡單好多。

食譜—少甜版（2碗）

材料

雞蛋　　　3隻
椰子水　　同雞蛋份量相同
鮮奶　　　同雞蛋份量相同
糖　　　　25克（我用Raw sugar）

註：
1. 雞蛋：椰子水：鮮奶　比例為　1：1：1。
2. 如水代替鮮奶　—　雞蛋：椰子水：水　比例為　1：1：0.8。
3. 如全用椰子水　—　雞蛋：椰子水　比例為　1：1.8。

做法

1. 雞蛋打入碗或量杯中，之後預備同等分量的椰子水及鮮奶。

2. 椰子水微微加熱（不用滾起），加糖慢慢攪勻至溶解備用。

3. 將蛋、鮮奶及已加糖的椰子水拌勻，用隔篩隔去蛋白的結塊。

4. 將混合液倒入碗中，如想美觀一點可用匙將氣泡弄走。

5. 預備蒸鍋加水煲熱。用可受熱的保鮮紙或錫紙封頂。

6. 水滾後（不需大滾）將燉蛋放入，慢火隔水蒸15分鐘便完成。

小貼士
—如用蒸爐，可用90度蒸15分鐘
—如果想凍吃，放涼後可用保鮮紙封口存放於雪櫃，隔天食用。
—這個是少甜版本，如果不用椰子水或喜歡甜一些，可加多一點糖

炸雞店蘑菇飯（素食／非素食） Rice with Mushroom Sauce (reference to taste from KFC HK)

今晚突然好想食KFC，又諗起香港買佢食嘅話，間中都會叫吓蘑菇飯，就改咗今晚餐單，外賣KFC雞配自家蘑菇飯😛
.
食譜（2人份）

材料

蘑菇切片　　　200克
蒜茸／蒜粉　　1茶匙　
牛油　　　　　30克
雞湯　　　　　200克
麵粉　　　　　1.5湯匙
鹽　　　　　　少許
做法

1. 小鍋預熱牛油，炒香蒜蓉蘑菇

2. 蘑菇變軟後加入麵粉炒勻，沒有白色粉粒後再倒入雞湯拌勻煮滾

3. 蘑菇汁慢慢變杰身，可自行加點鹽調味便完成

小貼士

• 素食者可用植物油及蔬菜湯代替牛油及雞湯
• 蒜蓉用蒜粉代替煮出來外表較像
• 如喜歡可加一點胡椒

薑汁撞奶 Chinese Ginger & Milk Pudding

呢幾日涼咗啲，屋企又有材料，整碗薑汁撞奶暖吓！
P.s.澳洲啲薑好貴，榨完薑汁啲薑渣留番嚟爆下薑蓉，唔好浪費！😛

食譜（1碗份量）

1. 老薑磨蓉榨汁 12ml，放入碗中

2. 鮮奶一碗（200ml)加2茶匙糖 -可自行加減糖

3. 煲熱鮮奶至攝氏80度（或開始微微出煙，熄火快手倒入碗中

4. 放涼5-10分鐘，其間不要攪拌或移動，之後便可食用。

海帶臭草果皮綠豆沙 Chinese Green/Mung Bean Sweet Soup

最近澳洲呢度啲朋友種咗啲臭草我拿了一點試下種，當然又拎啲煲吓綠豆沙😛。其實以前喺香港屋企個花糟都種過，我其實覺得臭草一啲都唔臭㗎😛！

食譜（約4碗）

材料
綠豆　　　100克
米　　　　20克
臭草　　　一小棵
乾海帶　　4克
果皮　　　一角
冰糖　　　自行調教
水　　　　1.5公升

做法

1. 綠豆沖洗一下，用水浸住放雪櫃浸一晚/幾個鐘，用之前隔掉水分

2. 果皮浸軟去囊切絲；乾海帶浸軟切細條/細片

3. 臭草洗淨；米洗淨用少少水浸一陣

4. 用一個比較大的煲（至少比水容量多一倍），果皮隨水一起煲滾，加入綠豆、米、臭草，水再滾後維持中火煮至米及綠豆爆開起沙（開花），好似煲粥咁不要加蓋煲，防止滾瀉

5. 加入海帶及冰糖，冰糖可以先加一些，試味後隨喜好加減，冰糖溶掉後便可食用

小貼士

• 如果時間許可，可煲半小時後熄火焗一會再煲，不要用慢火（易黏底），不時攪拌一下
• 因為不同煮食爐火力不同，請自行調教火力（維持煮滾水狀就可），水分如蒸發得太快可中途加點熱水
• 新鮮臭草的枝葉可煲軟一齊食，乾的會教硬，食用前可自行決定保留/拿走

白汁雞皇飯 Creamy Chicken Rice in White Sauce

在香港時，間中都會食下KFC，除了辣雞，還喜歡叫蘑菇飯和雞皇飯，每次也在想配那一款飯較好。
來到澳洲之後，這裡的KFC沒有這些，想食便要自己煮喇！試左一兩次，味道都幾似，大家都可以試下。

食譜（2-3人份 )

材料

去皮雞脾肉　　　1-2塊（約280-300克）
　／雞胸肉
薯仔　　　　　　1個
甘筍　　　　　　1條
洋蔥　　　　　　半個
青豆　　　　　　30克（選擇性加入）
白飯　　　　　　2-3碗

白汁
牛油　　　　　　30克
牛奶　　　　　　400毫升
麵粉　　　　　　20克
水　　　　　　　250克
鹽　　　　　　　1茶匙
黑胡椒碎／粉　　半茶匙

雞肉醃料
鹽　　　　　1/4茶匙
胡椒粉　　　少許

做法

1. 雞肉去除肥的部分，切粒並加入醃料醃10-15分鐘。

2. 洋蔥、薯仔、甘筍切粒。青豆解凍。

3.  鑊中加一點油，中火預熱，先炒香洋蔥粒，再加入薯仔粒甘筍粒炒勻。

4. 加入雞粒炒至半熟，加入鹽及黑胡椒碎

5. 加入約250毫升水，此時可加蓋焗一下，間中攪拌一下至水份收乾及薯仔變軟身。（如薯仔仍很硬，可再加水煮多一會。煮好後先盛起備用

6. 原鑊小火加入牛油，煮溶後篩入麵粉，快手拌勻至沒有粉粒的幼滑麵漿。

7. 倒入牛奶，繼續快手攪勻，令牛奶和麵漿混合成稠身白汁。

8. 將剛煮好的薯仔甘筍雞粒，和青豆一起加入白汁，拌勻並中小火煮滾試味，如不夠味可加鹽調味，如太稠身可以加一點牛奶或熱水。

9. 再煮一下便完成，可配白飯或意粉食用。

小貼士

• 麵粉可選用高筋麵粉或中筋麵粉皆可。
• 煮白汁時必須要快手拌勻麵粉至沒有粉粒，否則白汁會不夠滑身。
• 不用牛油可用其他菜油／橄欖油代替。